浙江義烏火災

浙江義烏火災致11人死：火災疑為電線老化引起
重點唔在死者人數，亦唔在於當中有冇香港人。而係根據香港有線新聞嘅報導，最先到達火場嘅消防車水箱冇水、雲梯故障、要去附近水塘泵水，但水泵又係壞嘅；如果冇呢D枝節，11條人命嘅損失係咪可以避免？
問題係消防係救人性命嘅事，有關器材應該有定期檢查、保養。點會出現消防車冇水、器材壞嘅情況？如果火災係八月發生，地點係北京，消防裝備又係一樣嘅問題百出，偉大嘅國家領導人會點處理？
如果消防器材欠缺保養嘅問題係全國性現象，咁要檢討嘅就應該係全國各省、縣、市嘅消防設施，而唔係到事故發生後，先開始針對人群聚集場所嘅全市安全生產大檢查，「防止出現類似事故」。
Posted by kRiZ cPEc

閱讀全文»

相片風波，一塌糊塗！

今日行過報紙擋，一眼望過去十份報紙八份嘅頭版都係同相片風波有關，八卦雜誌就大部份都用呢單野做封面。我諗我應該係少數對相片全無興趣嘅人。由相片開始喺網上流傳、到警方高調執法、到網民群起聲討警方高層言論同辦案手法，我都無理過，一直都覺得藝人自拍照外洩係當事人嘅事。
但想講嘅係一個假設：如果大部份香港人對呢一批相嘅反應喺不聞不問，事件就未必會搞到咁滿城風雨，以致對事件完全無興趣知嘅人都被逼接觸相關嘅題材—份份報紙都講，連英文報紙都唔例外。
假設香港人都對事件不聞不問，報章仲會唔會用呢單野做頭條？甚至，會不會報道呢件事？
我唔想知但又被逼要知，點解又唔見有人批評傳媒？
如果話：有點樣嘅讀者，就會出現點樣嘅傳媒。咁點解冇人自律？
人地喺高潮嘅時候影嘅自拍照，睇黎做乜？傳黎做乜？
Posted by kRiZ cPEc

閱讀全文»