李柱銘事件

讀章詒和嘅《最後的貴族》，印象頗深嘅係章伯鈞呢一句：「難道要老毛認錯？老毛幾時認過錯…」。於是佢由三級官員貶去七級，因為老毛認定佢係大右派。
今日，只要換走其中一啲字眼，就可以原原本本咁用李某人身上。
文滙論壇：『李柱銘唱衰北京奧運…聲稱「寧可永遠做漢奸」。國家主席堅決反對外部勢力干預香港事務的話音剛落，民主黨前主席、立法會議員李柱銘便明目張膽地要求歐美國家政府干預香港事務，支持香港爭取2012雙普選，而且還要求他們干預中國事務，將北京奧運會政治化，呼籲美國總統布什藉奧運向中國施壓，推動民主及改善人權。李柱銘又一次如此露骨地展示其乞求外國主子的洋奴嘴臉，已到了令人震驚和不可容忍的地步，引起社會各界的無比憤怒和強烈譴責。李柱銘數典忘祖，甘當西方反華勢力的走卒，實為香港人不齒，各界人士直斥李柱銘是現代吳三桂、汪精衛、漢奸、走狗，齊聲抨擊他的辱國、賣國行為。』
大公評論：『民主黨前主席李柱銘在《華爾街日報》撰文，要求美國趁明年奧運向北京施壓，這番賣國言論引起全城嘩然，各界人士紛紛怒斥李柱銘是「漢奸」 、「走狗」、「賣國賊」。李柱銘「死撐」，拒收回言論及道歉，並聲稱：「如果咁樣都係漢奸，我永遠繼續做漢奸！」無獨有偶，天主教香港教區主教陳日君樞機也聲稱：「如果李柱銘這樣的人是漢奸，我都可以做漢奸，我都唔介意做漢奸。」』
長篇大論，其實就係李柱銘已經被認定為反華，漢奸，撰文唱衰北京奧運。
李柱銘唔認錯，唔通要自認愛國愛港嘅人士認錯？
好，先睇罪証全文。
When President George W. Bush accepted President Hu Jintao’s invitation to attend the 2008 Summer Olympics in Beijing, Mr. Bush’s press secretary said that he was going to the Games as “a sports fan, not to make any political statement.” I too am a great sports fan — especially of the Soccer World Cup [...]

閱讀全文»

白色巨塔 (小說中譯本)

題外話：三大本400幾頁嘅小說，加埋接近1300頁，可以喺十日之內睇晒，應該會係我睇完一部小說嘅最快紀錄。

正題：根據小說後記，原來《白色巨塔》最初只係寫到財前喺誤診官司勝訴就結束，但社會迴響太大，山崎豊子因應讀者要求續寫小說，結果財前喺上訴庭敗訴，而且因為事務繁忙，錯過發現自己患癌嘅最好時機。一個癌症外科權威最後因癌症致死，唔能夠話唔諷刺。

如果依據後記所講，1966年嘅電影應該最接近小說嘅最初版本，而2003/04年嘅電視劇就係對整部小說(正本、續集) 嘅重新演繹。

睇完電視睇電影，之後再睇小說中譯本，發覺原來小說入面有相當多人物喺電視、電影中都冇出場，原來里見有一個大佢十三年開診所嘅哥哥，佐佐木夫婦原來有三個仔女，財前成為教授之後兩年又爭取成為學術議會成員…不過刪減枝葉可以令故事更緊湊、集中，都係明智嘅做法。

財前、里見係同學、朋友、同事、競爭對手，兩個人之間嘅關係比佢地同任何其他人都要複雜，應該有好多空間可以寫，但小說對呢一點嘅着墨唔算多，反而將重點放喺教授選戰入面成功爭取到教授頭銜嘅財前，因為醫學部長嘅私心同埋自己希望更上層樓嘅欲望，繼續追求更多嘅頭銜、榮耀。
而根據故事對唔同社會階層嘅人嘅描寫，似乎可以推斷作者有一個諗法—學歷高唔一定人品好，一般民眾對是非問題嘅判斷能力可能會比教授級人物強，擁有嘅權力越多，越腐敗。

小說一開始就開宗明義：浪速大學附屬醫學院各學系辦公嘅地點依各教授嘅地位而安排，對大學越有影響力，分配到嘅工作地點越好；一流大學同次一等嘅大學所得嘅經費同樣因為大學地位而有極大差距；教授處於權力中心嘅大學可以得到嘅資源比其他同一級數嘅大學多。
如果大學人人對呢種現象習以為常，甚至積極爭取權力、資源同影響力，無足夠嘅定力、意志力，要做到舉世皆濁我獨清嘅話近乎無可能。

只係大學本身一個研究學問嘅最高機構，供職大學嘅人畢竟為人師表，一個個將心思擺喺學術以外嘅事上面，用盡方法要增加自己嘅影響力；結果最高學府訓練出來嘅，只係野心家。財前不斷要向上爬，對病人做唔到一視同仁，環境因素不可忽略。錯就錯在佢太好勝、對權力遊戲太投入、玩得太好，以致佢忽視咗身為醫生、教授原本要注意嘅地方。
同一首命運交響曲，唔同指揮就會唔同演奏方式，聽起來嘅感覺亦都會唔一樣。白色巨塔嘅一個重點係人應該點樣看待權力；權力對一個人又會有幾大影響。
接近1300頁嘅小說，仲有好多解讀方法。以下都係網上搵到嘅：

當人生病時常常會被命運所左右
就像白色巨塔裡的佐佐木庸平
他遇到里見這位好醫生為他找到了病因
也有財前這位外科第一把交椅為他開刀
但他還是死了
為什麼?
醫療疏失嗎?還是因為醫院裡的明爭暗鬥?
除了這些原因 我更相信是”命運”這幕後的黑手
資料來源 : 白色巨塔—山崎豐子

利用時間很趕的看完了華麗一族，覺得果然不愧為山崎豐子的作品啊。從白色巨塔、女系家族一直到華麗一族，山崎始終延續著「熱血對抗卑劣」但又隱含著「天真的熱血」對抗「正義的卑劣」的感覺。
我想在這個世界上沒有人能把善惡劃分的這麼模糊的吧，在白色巨塔裡，卑劣的財前與熱血的里見所帶給觀眾的觀感是很鮮明的，但是劇情越到後來才發現兩個人的目標其實根本一樣，只是財前知道要作大事就要先取得權力，因此不擇手段的向上爬成為第一要務。而里見只是熱血的從事一般性的醫療工作，雖然也幫助了很多人，但是比起財前成立一個研究所的氣魄，里見的熱血只是顯的過於天真與渺小。
資料來源 : 山崎豊子真屌

閱讀全文»

白色巨塔 (日本電影)

星期日夜晚睇1966年拍嘅電影白色巨塔，同2003年嘅電視劇好唔同。或者因為要將三部小說濃縮成一套150分鐘嘅戲，所以同電視相比，1966年嘅電影比較直接、露骨，更側重反映人性嘅黑暗面。
東教授快將退休，佢希望物色一個將來可能會係佢女婿嘅人- 菊川昇 – 接替佢第一外科教授嘅職位，於是佢就可以退休之後繼續操控浪速醫大；而第一內科嘅鵜飼教授希望財前接任，從而加大自己嘅話事權；第二外科嘅野板教授覺得第一外科教授最好係一個受自己影響嘅人，於是指示佢部屬投權俾第三位準教授。
電影入面幾個主要人物都只是one dimensional characters，理見對搵出事實真相執著，但軟弱無力；財前手術技巧高明，但欠缺對人嘅尊重。對佐佐木嘅死，佢幾乎完全無動於衷。而電影對財前嘅結論係：「無良知」。
同電視劇入面嘅東 佐枝子比較，1966年電影版嘅佐枝子更有自己嘅見解，指東 貞藏出任教授十六年，對醫大需要嘅改革無所作為。電影入面嘅花森惠子 – 財前嘅情人 – 就表現得相當市儈。
電影結局：船尾教授出於利益考慮 – 財前輸嘅話，一般人對浪速以致其他醫大嘅地位都會質疑 – 喺出庭作鑑証人嘅時候講出有利財前嘅證詞。財前嘅最終勝訴；而出庭指證財前嘅理見只能離開浪速醫大。
* * *
電影同電視劇喺好多方面都有唔同，咁邊一個演繹手法比較接近原著小說嘅神緒呢？

閱讀全文»