野花

今日陽光唔錯，於是就喺返工之前影左幾張macro，然後好快咁揀相、裁相。揀左兩張—
第一張：

第二張朵花好細，部相機要擺到好近先影到，於是開著電筒幫佢補光，出來嘅感覺似乎唔錯。

閱讀全文»

皇室咖啡

曾經飲過一種叫做王室咖啡嘅特飲，係加左酒嘅咖啡。今日上網搵資料至知道原來加嘅係brandy。
仲有一種愛爾蘭咖啡就加Whisky。
今日喺屋企沖咖啡，忽然好想將咖啡溝酒飲。見到屋企有枝平價紅酒，於是倒左少少落杯咖啡度。飲落有果香味，但係冇平價紅酒果種青澀味，幾得意。

閱讀全文»

去蔣化

尋晚睇新聞先知原來喺去蔣介石化、去中國化嘅指導原則下，高雄市中正文化中心嘅牌匾同蔣介石嘅巨形銅像都唔可以保留。香港為左騰出空間起商場、俾商人再賺多啲錢，拆左中環天星碼頭。台灣就因為意識形態去破壞自己嘅歷史、文化，將一個對台灣當代影響深遠嘅人嘅足跡徹底消滅。
最最可惜係我上次喺高雄行程太匆忙，只係得一張失焦、偏暗嘅相可以做紀念。銅像本身太巨型，嗰位又太暗，開左閃光燈都無作用，影唔到。
中正文化中心，是過去了的喔。我們頭也不回，向前走。走出蔣中正的台灣。我們不會停下來。走。

閱讀全文»

傳奇女王

喺公司借左套Elizabeth睇。睇完之後，姑且唔問劇情改編到有幾唔可信，單係睇Cate Blanchett嘅演出就會聽得出佢事前一定花左唔少時間同心機去練貴族英語發音。
對我黎講，發音呢樣野就好神韻咁，有好多好微細嘅方，要將握得好其實唔容易。唔同地區嘅人講英文都有各自嘅accent，單係喺英國本土都已經有好幾種，上流社會嘅口音同平民嘅亦都有好大分別。已且喺習慣左一種口音之後，要喺短時間之內重新熟習另一種口音，用嗰一種口音黎講對白，仲要俾觀眾一聽就聽得出就難上加難。
而睇Elizabeth嘅一個感覺就係，Cate Blanchett扮演Queen Elizabeth一角，除左講對白十足一個英國皇室，仲好好演技。厲害。

閱讀全文»