30-12-2006

地震之後，第一次可以用blogger…其實都冇野可以寫，而且，感冒左差唔多一個星期，仲未清，宜家好頭痛。
地震嗰日，感覺到震，但完全唔想郁，亦無諗過走，只係繼續瞓，如果我住嗰度倒塌的話，咁…
喺2006年嘅倒數第二日，預祝大家2007年快樂

閱讀全文»

灣仔

尋日冬至，七點放工。於是去灣仔消費。喺太原街行左一陣就去左一間coffee shop飲咖啡同上網。結果，九點半之後先開始慢慢行去金鐘搭巴士。返到屋企，都差唔多十二點。同平時九點放工返到屋企嘅時間一樣。
今日一早起身再去灣仔，影黎緊七月會拆嘅舊街市。插曲一，雞檔檔主/伙記一齊強烈反應，話唔比我影。我話唔會影佢地，都冇效。最後看更走過黎，我同佢講完一輪，先可以影啲絕版大風扇同冇人嘅舖位。而個看更就一直企喺附近睇實。
插曲二，行落樓下生果檔，檔主比我影佢個檔，代價係12元買三個梨。

閱讀全文»

無題

上星期，再上一星期，都碰到一些事。今日掙扎著又去某公共圖書館上班。但我知道，我其實已經開始commit唔到。Part time SB contract 去到二月底。冇能力等到約滿，於是，決定辭職，今日係倒數第三或者第四個星期日。
一星期以來都覺得好煩。….諗返好多以前嘅野。然後就自閉。自信心跌到谷底….
今日放工之後先至感覺好番一啲。
* * *
每次見到一啲講野逐個字”dun”出黎嘅人都有啲驚，覺得佢地好似喺度催眠緊人(又或者會落xx)。佢地嘅共通點，神情呆滯，周圍問人攞錢。今日又見到一個，我喺地鐵站上網，聽到「小姐，我—….冇—錢」。心寒。今次我居然應左佢，仲幾乎望左佢對眼…但一聽到佢逐個字”dun”都已經嚇一跳，即刻望返住電腦個mon….第一次見到一個令我心寒，之前都見過，但唔理就無事，唔會心寒……..今次今次—真係好得人驚………………………………………………..
[上網搵資料，懷疑嗰類人係P-Zombie.]

閱讀全文»